Shetkari Arogya 2025 शेतीतील काम हे शारीरिक दृष्ट्या खूपच कष्ट साध्य आहे. परंतु हे शेती काम करत असताना आपल्या आरोग्याकडे लक्ष देणे तितकेच महत्त्वाचे आहे.
विशेषतः कान, नाक आणि घसा हे तीन अवयव अत्यंत नाजूक असून ते सहजच विविध प्रकारच्या धूळ, मातीचे कण, आणि पर्यावरणातील हानिकारक घटकांमुळे त्रासदायक होऊ शकतात. त्यामुळेच या अवयवांची काळजी घेणे देखील गरजेचे आहे.
महाडीबीटी पोर्टलवर अर्ज प्रक्रिया तात्पुरती बंद, जाणून घ्या काय आहे कारण!
शेतात काम करत असताना आपण सतत धूळ, मातीचे कण, आणि इतर सूक्ष्म कणांशी उदा. शेतातील काडी/कचरा इत्यादी संपर्कात येतो. हे कण आपल्या नाकपुड्या, कान, आणि घशात जाऊन एलर्जी, संसर्ग आणि श्वसनाशी संबंधित आजार निर्माण करू शकतात.
Shetkari Arogya 2025 संक्रमण आणि कारणीभूत गोष्टी!
धूळ : नाकात धूळ जाऊन जळजळ, एलर्जी आणि श्वसनांच्या त्रासाला कारणीभूत ठरू शकते. तसेच घशात धूळ गेल्यास खोकला, घशातील खवखव, आणि कधी कधी गंभीर संक्रमण होऊ शकते.
मातीचे कण : कानात धूळ गेल्यास कानातील संसर्ग, वेदना, किंवा ऐकण्याची क्षमता कमी होण्याचा धोका असतो.
Shetkari Arogya 2025 शेतात काम करत असताना घ्यावयाची काळजी!
नाक व तोंडावर मास्क : धूळ आणि परागकणांपासून बचावासाठी नाक व तोंडावर मास्क घालणे अत्यंत गरजेचे आहे.
कानाची योग्य स्वच्छता : कान स्वच्छ ठेवण्यासाठी ओल्या कापडाने बाहेरील भाग हळूवार पुसावा. कधीही कापसाचे बोळे कानाच्या आत घालू नयेत.
नियमित पाण्याचे सेवन : भरपूर पाणी पिल्याने नाकपुड्या ओलसर राहतात आणि धूळ व जंतू दूर होण्यास मदत होते.
आरोग्यदायी आहार : आरोग्यदायी आहार घेतल्याने शरीराची रोगप्रतिकारक क्षमता वाढते.
स्वच्छतेची सवय : शेतात काम केल्यानंतर हात, चेहरा आणि कपडे स्वच्छ धुणे आवश्यक आहे.
शेतातील कठोर श्रमांंबरोबरच आपल्या आरोग्याकडे लक्ष देणे गरजेचे आहे. कारण, निरोगी शरीराशिवाय आपले काम हे अर्धवट राहते. कान, नाक आणि घशाची योग्य काळजी घेतल्यास आपण केवळ आजारांपासून वाचू शकतो, पण आपल्या शेतातील कामे अधिक प्रभावीपणे पार पाडू शकतो.
| इतर माहितीसाठी | येथे क्लिक करा |