Online Satbara 2025 पुणे राज्यात नव्या खरीप हंगामातील पीक कर्जासाठी शेतकऱ्यांची आतापासूनच लगबग सुरू झाली असून, त्यासाठी आवश्यक असलेले सातबारा, आठ अ फेरफेरा उताऱ्यांना मागणी वाढली आहे.
हे उतारे आता ऑनलाइन उपलब्ध असून, राज्यातील टेक्नोसावी शेतकऱ्यांना शेतकऱ्यांनी डिजिटल उताऱ्यांचा आधार घेतला आहे. भूमी अभिलेख विभागाच्या संकेतस्थळावरून गेल्या वर्षभरात शेतकऱ्यांनी विविध प्रकारचे सुमारे 4 कोटी 35 लाख ऑनलाईन अभिलेख डाऊनलोड केले आहेत.
धान उत्पादक शेतकऱ्यांना बोनस.. तर सौर कृषी पंपासाठी 10 एचपी पर्यंत मान्यता, वाचा सविस्तर;
या माध्यमातून सुमारे 76 कोटी 80 लाख रुपयांचा महसूल भूमी अभिलेख विभागाकडे जमा झाला आहे. महत्त्वकांक्षी ई-फेरफेरा प्रकल्पांतर्गत डिजिटल स्वाक्षरीयुक्त सातबारा उतारा, 8अ उतारे, मिळकत पत्रिका ऑनलाईन उपलब्ध झाल्या आहेत.
राज्यात 1 एप्रिल 2024 ते 31 मार्च या वर्षात शेतकऱ्यांनी 4 कोटी 35 लाख अभिलेख, विविध प्रकारचे दाखले घरबसल्या डाउनलोड केले आहे.
Online Satbara 2025 शेतकरी तंत्रस्नेही झाल्यामुळे राज्याच्या महसूल विभागात डिजिटल क्रांती झाल्याचे चित्र निर्माण झाले आहे. शिवाय यातून महसूल खात्याला नक्कल शुल्कापोटी तब्बल 76 कोटी 80 लाख रुपयांचा महसूल मिळाला आहे.
ही आकडेवारी राज्यातील ई-महाभूमी प्रकल्पाच्या माध्यमातून देण्यात आलेली आहे. या प्रकल्पाच्या माध्यमातून डिजिटल स्वाक्षरीत सातबारा उतारे, खाते उतारे, फेरफेरा नोंदीचे उतारे आणि मिळकत पत्रिका या नागरिकांना ऑनलाइन पद्धतीने घरबसल्या डाऊनलोड करून घेता येतात.
Online Satbara 2025 त्यानुसार शेतकऱ्यांनी सरत्या आर्थिक वर्षात तीन कोटी तीन लाख 77 हजार 875 सातबारा उतारे, 96 लाख 56 हजार 526 खाते उतारे (8 अ), 20 लाख 31 हजार 522 फेरफार नोंदीचे उतारे आणि 15 लाख 21 हजार 792 मिळकत पत्रिका (प्रॉपर्टी कार्ड) डाउनलोड केले आहेत.
राज्यात 26 जून 2024 रोजी एका दिवसात सुमारे तीन लाख उतारे डाऊनलोड करण्याचा विक्रम घडला. महसूल विभागाला तब्बल 45 लाख रुपयांचे उत्पन्न मिळाले होते. त्यापूर्वी 6 जुलै 2023 रोजी राज्यात दोन लाख 15 हजार उतारे डाऊनलोड झाले आहेत.
यामुळे राज्य सरकारलाही सुमारे 36 लाख 61 हजार रुपयांचा महसूल प्राप्त झाला होता, असे सूत्रांनी सांगितले. या उतारांसह खाते उतारे, फेरफार नोंदीचे उतारे आणि मिळकत पत्रकार नागरिकांना ऑनलाईन उपलब्ध आहेत.
” 31 मार्चपूर्वी जमिनींचे अनेक व्यवहार झाले आहेत त्यामुळे या व्यवहारातून तयार झालेले नवीन उतारे डाऊनलोड करण्यात येत आहे त्याचाही या आकड्यात परिणाम दिसून येत आहे केवळ पंधरा रुपयात मिळत असला तरी त्याचे महत्त्व कमी होत नाही शेतकऱ्यांनी तिन्ही हंगामासाठी तो डाउनलोड करावा.– सरिता नरके, राज्य समन्वयक, ई फेरफार प्रकल्प, भूमि अभिलेख विभाग, पुणे “
| इतर माहितीसाठी | येथे क्लिक करा |