शेतकऱ्यांसाठी उन्हाळी भुईमूग लागवडीची संपूर्ण माहिती…Bhuimug Lagavad 2025

Bhuimug Lagavad 2025 उन्हाळी भुईमुग लागवड 15 जानेवारी ते 15 फेब्रुवारी या दरम्यान करावी. पेरणीस उशीर होईल तसतशी उत्पादनात घट येते. लागवडीसाठी जास्त उत्पादनक्षम व कीड, रोगास प्रतिकारक सुधारित वाणांची निवड करावी.

भुईमूग हे एक प्रमुख तेलबिया पीक म्हणून ओळखले जाते. हे एक शेंगवर्गीय द्विदल पीक असल्याने जमिनीची सुपीकता वाढते. त्यामुळे पिकाची फेरपालट व जमिनीचा पोत सुधारण्यास मदत होते. त्यामुळे उन्हाळी भुईमूग पिकाची सुधारित पद्धतीने लागवड होणे गरजेचे आहे.

खरीप हंगामातील भुईमुगाचे उत्पादन मुख्यत: पावसाच्या पाण्यावर अवलंबून असते. खरीप हंगामातील पीक कीड व रोगांना जास्त बळी पडते. त्यामुळे खरीप हंगामाच्या तुलनेत उन्हाळी भुईमुगाची उत्पादकता ही जास्त असते.

Bhuimug Lagavad 2025 उत्पादकता वाढीसाठी महत्त्वाच्या बाबी

1. लागवडीसाठी जास्त उत्पादनक्षम व कीड, रोगास प्रतिकारक सुधारित वाणांची निवड.
2. प्रमाणित बियाण्याचा योग्य प्रमाणात वापर.
3. प्रति हेक्टरी रोपांची संख्या अपेक्षित राखणे.
4. बीजप्रक्रिया, खते, जिवाणू संवर्धक व सूक्ष्म अन्नद्रव्यांचा संतुलित वापर.
5. वेळेवर तण, रोग व कीड नियंत्रण.
6. योग्य सिंचन व्यवस्थापन.

उन्हाळी भुईमुग लागवड Bhuimug Lagavad 2025

उन्हाळी हंगामातील उष्ण व भरपूर सूर्यप्रकाश भुईमूग पिकास मानवते. ओलिताची सोय असलेल्या ठिकाणी तसेच फळबागांमध्ये आंतरपीक म्हणून भुईमूग लागवड फायदेशीर ठरते.

जमीन :

1. समपातळीतील मध्यम ते हलकी, चांगला निचरा होणारी तसेच वाळू, चुना व सेंद्रिय पदार्थयुक्त जमीन लागवडीसाठी निवडावी.
2. जमीन भुसभुशीत असल्यास हवा खेळती राहून मुळांची वाढ चांगली होते. आऱ्या जमिनीत घुसण्यास मदत होते आणि शेंगा चांगल्या पोसल्या जातात.Bhuimug Lagavad 2025

हवामान :

1. हे उष्ण व समशीतोष्ण कटिबंधातील पीक असून, भरपूर सूर्यप्रकाश व उबदार हवामान पीक वाढीच्या दृष्टीने उपयुक्त असते.
2. कायिक वाढीसाठी 27 ते 30 अंश सेल्सिअस तापमान योग्य असते.

पूर्वमशागत :

1. भुईमुगाची मुळे, उपमुळे व मुळांवरील गाठींची योग्य वाढ तसेच शेंगा चांगल्या पोसण्यासाठी जमीन मऊ व भुसभुशीत असणे अत्यंत आवश्यक आहे. त्यासाठी जमिनीची चांगली मशागत करून घ्यावी.
2. बैलाच्या किंवा ट्रॅक्टरच्या साह्याने जमिनीची 15 ते 20 सेंमी खोल नांगरट करावी. जास्त खोल नांगरणी करणे टाळावे. कारण जास्त खोल नांगरणीमुळे जमिनीच्या खोल थरांमध्ये शेंगा तयार होतात. त्यामुळे शेंगाची काढणी अवघड बनते.
3. नांगरटीनंतर कुळवाच्या 2 ते 3 पाळ्या द्याव्यात. शेवटच्या कुळवणी अगोदर हेक्टरी 5 ते 7 टन चांगले कुजलेले शेणखत किंवा कंपोस्ट खत जमिनीत पसरवून घ्यावे.

पेरणीची वेळ :

उन्हाळी भुईमुगाची पेरणी 15 जानेवारी ते 15 फेब्रुवारी या दरम्यान करावी. पेरणीस उशीर होईल तसतशी उत्पादनात घट येते. रात्रीचे किमान तापमान 18 अंश सेल्सिअस किंवा त्यापेक्षा जास्त झाल्यावर पेरणीस सुरुवात करावी.

बियाणे प्रमाण :

1. पेरणीसाठी हेक्टरी साधारणपणे 100 ते 125 किलो बियाणे पुरेसे होते.
2. बियाण्याचे प्रमाण ठरविताना निवडलेला वाण, हेक्टरी रोपांची संख्या, बियाण्याचे 100 दाण्याचे वजन, उगवणक्षमता व पेरणी अंतर इत्यादी बाबींचा विचार करावा.Bhuimug Lagavad 2025
3. फुले उन्नती, एस.बी.-11 टीएजी-24 व टीजी-26 या उपट्या वाणाचे 100 किलो बियाणे वापरावे. टीपीजी-41, जेएल-776, जेएल-501 या वाणाचे 120 ते 125 किलो तर निमपसऱ्या व पसऱ्या वाणांसाठी 80 ते 85 किलो बियाणे प्रति हेक्टरी वापरावे.

पावसामुळे पिकाचे नुकसान झाले, मोबाईलवरून विमा कंपनीला कळवा…

उन्हाळी हंगामासाठी भुईमुगाचे सुधारित वाण :

अ.क्र	वाण	प्रकार	हंगाम	पक्क होण्यास लागणारा कालावधी (दिवस)	सरासरी उत्पादन	शिफारस
1	एस.बी -12	उपटी	खरीप/उन्हाळी	105-110     115-120	12-15      -15-20	संपूर्ण महाराष्ट्रासाठी
2	जे.एल- 24 (फुलेप्रगती)	उपटी	खरीप	90-95	18-20	संपूर्ण महाराष्ट्रासाठी
3	टी.अे.जी – 24	उपटी	खरीप/उन्हाळी	100-105        110-115	20-25  25-30	संपूर्ण महाराष्ट्रासाठी
4	जे.एल. 220 (फुले व्यास)	उपटी	खरीप	90-95	20-25	जाड दाण्याची, जळगांव, धुळे, अकोला जिल्ह्यांकरिता
5	जे.एल. 286 (फुले उनप)	उपटी	खरीप/उन्हाळी	90-95	20-25	पश्चिम महाराष्ट्रासाठी व जळगांव, धुळे अकोला जिल्ह्यांकरिता
6	टी.पी.जी.-41	उपटी	खरीप/उन्हाळी	125-130	25-30	जाड दाण्याची, पश्चिम महाराष्ट्रासाठी जळगांव, धुळे, अकोला जिल्ह्यांकरिता
7	टी.जी. – 26	उपटी	खरीप/उन्हाळी	95-100    110-115	15-16   25-30	संपूर्ण महाराष्ट्रासाठी
8	जे.एल. 501	उपटी	खरीप/उन्हाळी	99-104     110-115	16-18     30-32	म.फु.कृ.वि. राहुरी कार्यक्षेत्रातील सर्व जिल्हे
9	फुले आरएचआरजी – 6021	निमपसरी	उन्हाळी	120-125	30-35	पश्चिम महाराष्ट्रासाठी
10	फुले उन्नती	उपटी	खरीप/उन्हाळी	110-115 120-125	20-25   30-35	संपूर्ण महाराष्ट्रासाठी टिक्का व तांबेरा रोगास प्रतिकारक्षम

बीजप्रक्रिया :

पेरणीपूर्वी प्रति किलो बियाण्यास, थायरम 5 ग्रॅम किंवा कार्बेन्डाझिम 2 ग्रॅम किंवा मॅन्कोझेब 3 ग्रॅम किंवा ट्रायकोडर्मा 5 ग्रॅम या पैकी एका जैविक बुरशीनाशकाची प्रक्रिया करावी.

त्यानंतर रायझोबिअम 25 ग्रॅम आणि स्फुरद विरघळवणारे जिवाणू संवर्धक 25 ग्रॅम प्रति किलो बियाण्यास चोळावे. बीजप्रक्रिया केलेले बियाणे सावलीत वाळवून नंतर पेरणी करावी.Bhuimug Lagavad 2025

पेरणीचे अंतर :

दोन ओळींतील अंतर 30 सेंमी व दोन रोपांतील अंतर 10 सेंमी ठेवावे. जेणेकरून हेक्टरी रोपांची संख्या 3.33 लाख राखली जाईल.

टोकण पद्धतीने योग्य अंतरावर पेरणी केल्यास 25 टक्के बियाणे कमी लागते आणि उगवण चांगली होते. बियाण्याची पेरणी 2 ते 5 सेंमी खोलीवर करावी. जास्त खोल पेरणी करू नये.

खत व्यवस्थापन :

1. पेरणीपूर्वी चांगले कुजलेले शेणखत हेक्टरी 10 टन प्रमाणे कुळवाच्या साहाय्याने जमिनीत चांगले मिसळावे.
2. हेक्टरी नत्र 25 किलो व स्फुरद 50 किलो द्यावे.
3. अधिक उत्पादनासाठी रासायनिक खतांसोबत जिप्सम 400 किलो (पेरणीवेळी 200 किलो, तर उर्वरित 200 किलो आऱ्या सुटताना) प्रति हेक्टर प्रमाणे द्यावे. त्यामुळे आऱ्या जमिनीत सुलभरीत्या जाण्यास तसेच शेंगा पोसण्यास मदत होते.
4. ठिबकद्वारे खते द्यायची असल्यास, शिफारशीत खत मात्रेच्या 100 टक्के खते ( 25:50:00 नत्र, स्फुरद, पालाश किलो प्रति हेक्टर) विद्राव्य स्वरूपात ठिबक सिंचनातून 9 समान हप्त्यांत विभागून द्यावीत.Bhuimug Lagavad 2025

आंतरमशागत :

1. लागवडीनंतर 45 दिवसांपर्यंत 2 वेळा खुरपण्या करून पीक ताणविरहित ठेवावे. 10 ते 12 दिवसांच्या अंतराने 2 कोळपण्या कराव्यात. शेवटची कोळपणी थोडी खोल द्यावी. त्यामुळे पिकास मातीची भर मिळते.
2. आऱ्या सुटू लागल्यानंतर (35 ते 40 दिवस) आंतरमशागतीची कामे करू नयेत. फक्त मोठी तणे उपटून टाकावीत.
3. तणनियंत्रणासाठी तणनाशकांचा वापर करायचा असल्यास, पेरणीनंतर दोन दिवसांच्या आत योग्य ओलीवर पेंडीमिथॅलिन (उगवणपूर्व) 1 किलो 500 लिटर पाणी प्रति हेक्टर या प्रमाणात फवारणी करावी.
4. पेरणीनंतर 20 दिवसांनी तण उगवणीनंतर इमॅझेथॅपीर (10टक्के एसएल) 750 मिलि 500 लिटर पाण्यातून प्रति हेक्टरी फवारणी करावी.Bhuimug Lagavad 2025

पाणी व्यवस्थापन :

1. Bhuimug Lagavad 2025 उन्हाळी भुईमुगासाठी 70 ते 80 सेंमी पाणी लागते. लागवडीसाठी प्लॅस्टिक आच्छादन तंत्रामुळे 40 ते 50 टक्के पाण्याची बचत होते.
2. पेरणीनंतर 4 ते 5 दिवसांनी आंबवणीचे पहिले पाणी द्यावे. त्यानंतर जमिनीच्या मगदुराप्रमाणे 8 ते 10 दिवसांच्या अंतराने पाण्याच्या 10 ते 12 वेळा पाळ्या द्याव्यात. आऱ्या जमिनीत घुसण्याच्या वेळी तसेच शेंगा पोसण्याच्या कालावधीत पाण्याचा ताण पडू देऊ नये.
3. भुईमुगासाठी तुषार सिंचन पद्धत उपयुक्त ठरते. तुषार सिंचनामुळे पाण्याची बचत होते. तसेच पिकाभोवती सूक्ष्म वातावरण निर्मिती होऊन वाढीसाठी उपयुक्त ठरते.Bhuimug Lagavad 2025

Bhuimug Lagavad 2025 वाढीच्या महत्त्वाच्या अवस्थांमध्ये पाणी व्यवस्थापन :

पिकाची अवस्था	पेरणीनंतर पाण्याच्या पाळ्या (दिवस)
उगवणीच्या वेळी	पेरणीनंतर लगेच
फुलोरा येणे	30 ते 40 दिवस
आऱ्या सुटण्याची अवस्था	40 ते 45 दिवस
शेंगा धरणे व दाणे भरणे	65 ते 70 दिवस

FAQ :

i) उन्हाळी भुईमुगाची लागवड कधी करावी ?

उत्तर – भुईमुगाची पेरणी 15 फेब्रुवारीपर्यंत पूर्ण करावी.

ii) भुईमूग पिकण्यास किती वेळ लागतो ?

उत्तर – शेंगा आणि तेलाचे अधिक उत्पादन मिळविण्यासाठी काढणी योग्य वेळी करावी. घड प्रकाराचे वाण 110-115 दिवसांत तर अर्ध पसरणारे वाण 120-125 दिवसांत परिपक्व होतात.

iii) भुईमुगाचे प्रति एकर उत्पादन किती ?

उत्तर – एकरी 7 ते 9 क्विंटल उत्पादन मिळते. बियांमध्ये 51 टक्के तेल असते.