Kapus Soyabean Anudan 2025 सन 2023 या खरीप हंगामातील कापूस व सोयाबीन उत्पादक शेतकऱ्यांना अर्थसहाय्य देण्यासाठी योजनेअंतर्गत रुपये 5000/- प्रति हेक्टर प्रमाणे अर्थसहाय्य कमाल 2 हेक्टरच्या मर्यादेत देण्यात येत आहे.
अनुदानासाठी कोण पात्र ?
यासाठी खरीप 2023 मध्ये ई-पीक पाहणी केलेले कापूस सोयाबीन उत्पादक शेतकरी.
ज्या शेतकऱ्यांनी खरीप 2023 मध्ये ई-पीक पाहणी पोर्टलवर नोंद केलेली नाही तथापि ज्यांच्या खरीप 2023 च्या सातबारा (7/12) उताऱ्यावर कापूस किंवा सोयाबीन पिकाची नोंद आहे असे खातेदार.
खरीप 2023 कापूस सोयाबीन उत्पादक वनपट्टेधारक खातेदार व चंद्रपूर जिल्ह्यातील जिवती तालुक्यातील Non digitalised villages मधील खरीप 2023 कापूस / सोयाबीन उत्पादक वैयक्तिक व सामायिक खातेदार पात्र आहेत.
पात्र शेतकऱ्यांनी अनुदान मिळण्यासाठी काय करावे ?
पात्र शेतकऱ्यांनी ई-पीक पाहणी पोर्टल वरील यादीत आपले नाव असले बाबत खातरजमा पोर्टलवर किंवा संबंधित कृषी सहाय्यक यांच्याकडून करून घ्यावे.
तसेच ज्या शेतकऱ्यांनी 2023 मध्ये ई-पीक पाहणी पोर्टलवर नोंद केलेली नाही. तथापि, ज्यांच्या खरीप 2023 च्या सातबारा उताऱ्यावर कापूस किंवा सोयाबीन पिकाची नोंद आहे. अशा शेतकऱ्यांनी व चंद्रपूर जिल्ह्यातील जिवती तालुक्यातील मधील खरीप 2023 कापूस सोयाबीन उत्पादक शेतकऱ्यांनी आपल्या गावातील संबंधित तलाठी यांच्याशी संपर्क साधावा.
खरीप 2023 कापूस सोयाबीन उत्पादक वनपट्टेधारक खातेदार अनेक तहसील/ जिल्हाधिकारी कार्यालयाशी संपर्क साधावा.
तरी वर नमूद केल्याप्रमाणे सर्व पात्र शेतकऱ्यांना आवाहन करण्यात येते की, अर्थसहाय्य योजनेचा लाभ घेण्यासाठी वैयक्तिक खातेदारांना आपले आधार संमती व सामाईक खातेदारांना आधार संमती सह ना हरकत प्रमाणपत्र दिनांक 28.02.2025 पर्यंत संबंधित कृषी सहाय्यक यांच्याकडे सादर करणे आवश्यक आहे.
शेतात पाईपलाईन करण्यासाठी मिळणार 50 टक्के अनुदान पहा कसा करावा अर्ज
आधार संमती व ना हरकत प्रमाणपत्राचा नमुना कृषी सहाय्यक यांच्याकडे उपलब्ध आहे. विहित मुदतीत आधार संमती व ना हरकत प्रमाणपत्र कृषी विभागास प्राप्त न झाल्याने लाभार्थी अर्थसहाय्यापासून वंचित राहणार नाही, याची दक्षता घ्यावी.
अधिक माहितीसाठी नजिकच्या विभागीय कृषी सह संचालक / जिल्हा अधीक्षक कृषी अधिकारी / उपविभागीय कृषी अधिकारी / तालुका कृषी अधिकारी कार्यालयाशी संपर्क साधावा.
| इतर शेती विषयक माहितीसाठी | येथे क्लिक करा |